بنت الأقصــــــــى
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

بنت الأقصــــــــى


 
الرئيسيةأحدث الصورالتسجيلدخول

 

 تعالوا نكشف اوراق طفولتكم

اذهب الى الأسفل 
كاتب الموضوعرسالة
جنون أنثـى
عضومتميز
عضومتميز
جنون أنثـى


انثى
عدد الرسائل : 147
العمر : 35
تاريخ التسجيل : 16/09/2008

تعالوا نكشف اوراق طفولتكم Empty
مُساهمةموضوع: تعالوا نكشف اوراق طفولتكم   تعالوا نكشف اوراق طفولتكم Icon_minitimeالإثنين سبتمبر 29, 2008 2:57 am

يختلف الاطفال في سلوكهم وتصرفاتهم ونفسيتهم ..
وأحيانا الأطفال يعكسوا شخصيات أهلهم لما كانوا صغار عاد كل واحد كما كان مع أهله يوم صغير ومطفربهم راح يظهر فأولاد فلا تصيحوا اذا طلعوا أولادكم صدعة رأس تذكروا بس انتوا كيف كنتوا في الطفولة

تعالوا نشوف الحين كل طفل وبشوا كان يتميز :


الطفل المتشرد.....
هذا الطفل مستحيل يجلس في المنزل يحوط حياته كلها حواطه فالشوارع أهله بس يدوروه من بيوت الجيران ..
يعيش في الشارع اكثر من بيته .. خبره ودليل في كل ممر وطريق .. زين يكون مرشد سياحي ناجح فالمنطقة


الطفل اللزقه .......
تلقاه متسمر عند باب البيت .. محد يطلع الا وهو لازق معاه ..وحتى تحصله يعرف يمكن كل مواعيد الخروج لأهله ...
حتى الضيوف من الممكن تلقاه يلزق فيهم ويصيح عشان يطلع معاهم ..
يـُـضرب كثيراً .. وخاصه من اخوانه اللي اكبر منه .. او خواته ..من اللزوقيه التي فيه
لانه عباره عن رادار على طلعاتهم ..
احياناً يضطرو يطلعو من نافذة المنزل للهروب منه ..
ولكن للأسف يجدونه بانتظارهم في السيارة ..ويسألهم ليش تأخرتوا عليّ .. شوفوا القهر


الطفل القوي.....
صاحب مشاكل
اهله دائماً في احراج و مشاكل مع الناس والجيران ووين ما يروحوا ..
هرمون الاجرام مرتفع بنسبة عالية في جسمه ..
في كل جبهة طفل في ( منطقتهم ) تلقى له أثر وتوقيع له
يمثل القائد والفتوه .. يهابوه الاطفال .. دائما يخلوه الرئيس عليهم لما يكونوا شلة أطفال ولا التصفيع فيهم
يتقرب منه الكبار ويتوددو له حفاظاً على سلامة اطفالهم وحليلهم حياة أطفالهم مهدده بالخطر ..


الطفل البريء .......
في المنزل تجده حبوووب وطبيعي 100 %
لكن مع دخوله المدرسة .. تغيب شخصيته ..
فتكثر الاصابات في وجهه .. لأنه مايدافع عن نفسه الذي يجي في وجهة يعطيه كف وهو ساكت بس تحصله فالح فدموع كما البحر على الخدود الوردية ..الله المستعان محد قاله يكون برئ ما تفيده البراءه هذا الزمن


الطفل العنيد......
يطبق نظام البيت بالعكس اللي فوق يخليه تحت .. يسوي اللي برأسه ..
مايخاف من الأب أو الأم حتى من فرعون ما يهمه عنيد .. لو قلت له هذا خطر لاتقربه .. عناد فيك راح يسويه ..
يُــضارب كثيراً في طفولته .. ومع ذلك عنيد مايغير رأيه جبل ما يهزه ريح ..



الطفل الحنّـان........
يستخدم وسيلة الحنة لتلبية رغباته
له نغمه خاصه في المنزل ..
تلبى رغباته كـُرهاً.. يعانون اهله من الصداع المستمر ..لازم وحليلهم من الحنة على رأسهم ليل نهار



الطفل المادي ........
هذا الطفل مايرد السلام الا ( بفلوس عطيني مئة وبرد عليك السلام) ..
تعامله مع اهل المنزل .. مادي بحت ..
يستخدموه لتوصيل طلبات المنزل .. ونقل السوالف.. وكل شي بحسابه ماشي ببلاش عنده..



الطفل الفتّــان .......
تجد عند هذا النوع جميع اخبار المنزل .. وغيابكم فضحت أسراركم يا اهل البيت..
يجد المتعه في اذلال غيره بالفتنه عليه .. ماله خاتمه ..
هذا الطفل حتى لو شريت سكوته بفلوس ..
توقع تلقى اخبارك ثاني يوم في الصفحه الرئيسية .. في الجريدة الرسمية ..



الطفل الدلوع......
هذا دلوع ماما وبابا .. يكرهوه باقي الاطفال لانه مرفه وشايف نفسه عليهم..
تلبى رغباته قبل ليطلبها .. شخصيته اتكاليه جداً ..لا تلوموه الدلع زايد عليه ، بس وغيابكم من دلعه



الطفل العله ..........
يزعجك بأسئلته الي ماتنتهي .. يستفسر من كل شي .. حتى لو ضحكت ..
بيقولك كيف ضحكت .. وليش ضحكت .. وكيف تكونت الضحكة ..
يحرجك احياناً .. ويمكن دائماً بأسئلته .. مره تجاوب عليه ومره تسفهه ..
واكثر الاوقات ماتلقى اجابه لاسئلته .. لانك في الحقيقه تجهلها .. فعلا طفل علة



الطفل الصريح .....
اهله يحبوا سوالفه
ويلقط العبارات والمفردات بسرعة مذهله ..
يسبب احراج دائم لأهله .. من الممكن ان يقول كلمة بالغلط للضيوف او الاقارب ..
يتميز احياناً بقلة الذووق والوقاحة اذا انفعل ..
ما يعرف الخجل البر مع أهله او مع الباقيين



الطفل الهادي......
هذا الطفل ماله صوت ابد .. وين ماتحطه تلقاه ..هذه الأطفال التي تهدي الرأس ولا بلاش
احياناً يهملوه اهله .. لانهم ناسينه ..
واحياناً يلقى اهتمام زائد من اهله ..
لو يموت من الجوع ما يتكلم ..
في كثير من الاحيان تلقى اهله ناسينه بالسوق او عند الاقارب اثناء الزيارات .. عاد تراه زودها بهدوءه ..



ياترى انتوا من أي نوع اذا تذكرو يالله كل واحد يكشف لنا أوراق الطفولة ومصائبه ؟؟
الرجوع الى أعلى الصفحة اذهب الى الأسفل
 
تعالوا نكشف اوراق طفولتكم
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
بنت الأقصــــــــى :: «-.¸¸,.-~*مرحبا بكم .. تعارفوا .. وشاركونااا«-.¸¸,.-~* :: الطب والصحه-
انتقل الى: